Aukra kommune har ledig fast stilling som økonomikonsulent i 100 % stilling ved økonomieininga. Vi søkjer ein fagleg sterk og strukturert medarbeidar med god forståing for rekneskap og økonomistyring, som ønskjer å bidra til vidare utvikling av kommunen si økonomiforvaltning.

OM EININGA

Økonomieininga har ansvar for kommunen sin overordna økonomifunksjon og utfører oppgåver innan budsjettering, rapportering, finansforvaltning, innkjøp, innkrevjing og løn. Eininga har ei sentral rolle i prosess og utarbeiding av budsjett og økonomiplan med handlingsdel, samt analyser og årsrapportering. Kommunens system for verksemdstyring, Framsikt, vert drifta av eininga, og eigedomsskattekontoret er organisatorisk plassert her.

Eininga arbeider målretta for å sikre gode grunnlag for berekraftig økonomisk utvikling og god styring, og stillinga vil inngå som ein viktig ressurs i dette arbeidet.

Det er 8 tilsette på eininga.

Arbeidsoppgåver

Den som vert tilsett vil få ansvar for varierte oppgåver innan økonomi og rekneskap, mellom anna:

• Føring, deler av avstemming og årsavslutning av rekneskapen
• Fakturamottak, og kontraktsoppfølging av rammeavtaler
• Utfakturering
• Delta i arbeidet med budsjett og økonomiplan, økonomirapportering og budsjettoppfølging
• Rådgjeving og støtte til interne einingar og avdelingar
• Vidareutvikle arbeidsprosessar og internkontroll innan økonomiområdet
• Andre driftsrelaterte oppgåver ved eininga

Krav til søkjar 

• Relevant utdanning på minimum bachelornivå innan økonomi, rekneskap, revisjon eller administrasjon
• Relevant erfaring kan kompensere for utdanningskrav
• Det er ønskjeleg med erfaring frå tilsvarande arbeid i offentleg sektor
• God skriftleg og munnleg framstillingsevne
• Gode datakunnskapar

Vi ønskjer oss ein medarbeidar som: 

• Har god analytisk evne og interesse for økonomistyring
• Arbeider strukturert og nøyaktig, med evne til å sjå både detaljar og heilskap
• Er løysingsorientert, initiativrik og har ein god arbeidsmetodikk
• Trivs med å jobbe sjølvstendig, men verdset og fagleg samarbeid
• Er fleksibel og samarbeider godt med kollega i ein hektisk kvardag
• Bidreg aktivt til å oppretthalde og vidareutvikle eit godt arbeidsmiljø

 Det vil bli lagt vekt på samla kompetanse og om søkjar er personleg eigna for stillinga.

 Vi tilbyr 

• Fagleg interessante og utfordrande arbeidsoppgåver i nær tilknyting til administrative og politiske prosessar
• Eit godt og inkluderande arbeidsmiljø med høg kompetanse
• Moglegheit for fagleg fordjuping og vidareutvikling innan eige arbeidsområde
• Løn etter avtale
• Gode pensjons- og forsikringsordningar gjennom KLP
• Fleksibel arbeidstid
• Moglegheit for noko heimekontor etter nærare avtale

 PRØVETID

Gjensidig effektiv prøvetid på 6 mnd.

 MANGFALD

Aukra kommune er opptatt av mangfald, og vi oppmodar alle kvalifiserte kandidatar til å søke jobb hos oss uansett alder, kjønn, funksjonshemming, nasjonal eller etnisk bakgrunn. Aukra kommune er IA- verksemd, og vil legge til rette for søkarar med redusert funksjonsevne.

 SØKARLISTE

Dersom du ønskjer å reservere deg frå oppføring på offentleg søkarliste, må du opplyse om og grunngje dette i søknaden. Opplysningar kan bli offentleggjort sjølv om du har bedt om ikkje å bli oppført på søkarlista, jfr. Offentleglova § 25. Du blir varsla dersom ønsket om reservasjon ikkje vert tatt til følge.

SØKNAD SENDAST

Aukra kommune nyttar elektronisk søknadsbehandling. Vi ber derfor om at du fyller ut elektronisk søknadsskjema via funksjonen "Søk på stilling"

Søknadsfrist 17.11.2025

Kontaktperson

Erna Lovise Varhaugvik, Økonomisjef, tlf: 97560733 eller på e- post:

erna.lovise.varhaugvik@aukra.kommune.no