Vil du vere med og bidra til drifta av eitt av Norges største ferjesamband?

Fjord1 har no ei ledig stilling som ambulerande matros i sambandet Arsvågen-Mortavika. 

Som matros blir du ein viktig del av drifta om bord, med ansvar for fleire sentrale oppgåver som passasjerhandtering, billettering, sikkerheitsarbeid og vedlikehald. I ei ambulerande stilling har du fast turnus og fast løn, men arbeidet vil variere etter behov på dei ulike fartøya i sambandet. Det gir ei god kombinasjon av tryggleik, fleksibilitet og variasjon i jobben. 

Sambandet er ei sentral del av E39 og eitt av dei mest trafikkerte i landet, med stor aktivitet og mange reisande kvar dag. Her får du ein jobb med ansvar og høgt tempo, tett samarbeid med dyktige kollegaer – og gode moglegheiter for vidare utvikling i faget.

I denne stillinga jobbar du 2 veker på og 2 veker fri - ei ordning som gir god balanse mellom jobb og fritid. Under arbeidsperiodane bur du om bord, og reisa til og frå arbeidsperiode vert dekka av rederiet.

Oppstart juli/aug 2026. 

Kvalifikasjoner:

• Ferdigheitssertifikat matros
• Ferdigheitssertifikat grunnleggande sikkerheitsopplæring
• Krise- og passasjerhandteringskurs
• Ferdighetssertifikat hurtiggåande MOB båt
• Ferdighetssertifikat IGF Grunnleggande
• Gyldig helseerklæring
• Skandinaviske språkkunnskaper muntlig og skriftlig

Fjord1 dekker manglende kurs for aktuelle kandidatar.

Personlige egenskaper:

Vi ser etter ein påliteleg og løysingsorientert matros som trivst med tett samarbeid og har fokus på tryggleik og god service. Du bør ha vilje til å lære, stå på når det trengst og bidra til eit positivt arbeidsmiljø.

Vi tilbyr:

• Lønn vert gitt etter overeinskomst mellom NHO Sjøfart og Det Norske Sjømannsforbundet
• Vi har rekrutteringsbonus ved tips om kandidatar, som blir tilsett i 100% stilling – ta kontakt for mer informasjon om vilkår!
• Sjøvakt 2 veker på og 2 veker av
• Ein bur ombord i arbeidsperioden
• Dekka reisekostnader til/frå arbeidsperiode
• Treningsrom om bord i fartøyet
• Vi tilbyr gode ordningar og legg til rette for utvikling for deg som ønsker å ta steget vidare.
• Attraktive velferdsordningar: firmahytter, leiligheiter , treningstøtte, behandlingsforsriking og gode rabattordningar