Vil du vere med å drive fram eigedoms- og prosjektporteføljen i Sogndal? 

I Sogndal kommune jobbar det over 1200 tilsette som går på jobb kvar dag for å bidra til gode, aktive og trygge liv for innbyggjarane. Sogndal er ein av få distriktskommunar med vekst, og er spådd å ha dei yngste innbyggjarane i landet i 2050. På same tid må Sogndal, som dei fleste andre kommunar, finne nye måtar å løyse samfunnsoppdraget på for å kunne halde fram med å sikre innbyggjarane sitt beste i framtida.  

Sogndal kommune eig ei omfattande eigedomsmasse, frå føremålsbygg som skular, barnhagar og institusjonar til bustadar og andre typar strategisk viktig eigedom. I tillegg vert det årleg gjennomført store investeringar i nye prosjekt og i styrking av eksisterande infrastruktur. Eigedom og prosjekt er organisert som team, som jobbar tverrfagleg med dei oppgåvene som er knytt til dette området.  

Me ynskjer no å styrke laget for eigedomsforvaltning og prosjekt, og søkjer etter eigedoms- og prosjektutviklar. Du har kjennskap og erfaring med infrastruktur og eigedom, med eit strategisk blikk for kva som vil tene innbyggjarane i kommunen no og i framtida. Du trivst i samspel med andre, og bryr deg om samfunnsoppdraget i ein kommune og det som er bra for innbyggjarane og brukarane av eigedomane og infrastrukturen vår. Du er god på å finne løysingar saman med andre, både internt og i møte med eksterne. Erfaring med prosjektarbeid og/eller eigedomsforvaltning er ein fordel. 

Arbeidsoppgåvene vil variere over tid, og for rolla ligg det til grunn at du jobbar i team saman med andre. Oppgåvene vil krevje ei «utfordrarhaldning», som kort fortalt går ut på å bruke kompetansen til å tenke nytt, og alltid utfordre deg sjølv og dei rundt deg på å utvikle beste praksis for innbyggjarane sitt beste. Sogndal kommune skal levere på samfunnsoppdraget i ei omskifteleg verd, og treng tilsette som evnar å halde fast i samfunnsoppdraget over tid og samstundes endre eigen praksis når det er naudsynt. Personlege eigenskapar vil difor bli tillagt stor vekt i tilsetjingsprosessen.  

Nyfiken på kva Sogn har å by på? Sjekk ut Sogn.no! 

Kunne dette vore noko for deg? Send oss ein søknad, eller ta kontakt med Joakim Systaddal eller Bente Mossige Ask for meir informasjon.